Чанартай нойроор дархлааны системээ эрчимжүүлэх 7 арга

Та хэр олон шөнийг унтах эвээ олохгүй, эргэж хөрвөөж, унтсан унтаагүйн завсар өнгөрүүлж байсан бэ? 1 эсвэл 2 удаа тохиолдох нь асуудал үүсгэхгүй байж болох ч олон шөнийг ийм байдалтай үдэх нь дархлааны эсүүдийн хэвийн үйл ажиллагаа доголдож вирус болон бактер, мөөгөнцрийн халдварт өртөмхий болгодог. 

Нойрны чанарыг дэмжих хамгийн үр дүнтэй аргуудыг танд хүргэе.

1. Тогтмол дасгал хөдөлгөөн хийх

Хүмүүс дасгал хийх нь чанартай бөх унтахад тусалдаг гэж мэддэг ч заавал эрчим ихтэй, зүрхний цохилтыг огцом ихэсгэдэг дасгалыг л хийнэ гэж ойлгосноос тогтмол дасгал хөдөлгөөн хийхээс төвөгшөөдөг. Гэтэл Харвардын Анагаах Ухааны Сургуулиас гаргасан судалгаагаар эрчим багатай йогийн дасгалыг байнга хийснээр нойргүйдэх өвчинтэй (insomnia) хүмүүсийн нойрны чанар болон үргэлжлэх хугацаанд сайнаар нөлөөлж байгааг тогтоожээ. Мөн хятадын тай-чи гэх урсгалын дасгал нь гүн нойрны үргэлжлэх хугацааг уртасгадаг байна. 

1. Унтлагын өрөөгөө “унтлагын өрөө” байлга:

Унтлагын өрөөний гэрэл, орны цагаан хэрэгсэл, хөнжил зэрэг нь нойронд шууд нөлөөлөгч хүчин зүйлс юм. 

Цагаан хэрэглэлээ байгалийн гаралтай 100% хөвөн даавуу, эсвэл хулс зэрэг материалаар солих хэрэгтэй. Эдгээр материал нь агаарыг чөлөөтэй нэвтрүүлснээр илүү сэрүүхэн байж нойрсоход тухтай байдлыг үүсгэдэг.

Мөн өрөөний гэрэл цэнхэр эсвэл цагаан байх нь хүний биеийн биологийн цагийг өөрчлөн нойрны даавар болох мелатонины нийлэгжлийг хойшлуулдаг. Ингэснээр нойрсох хугацаа улам холдох юм. 

Унтлагын өрөө бол унтах л газар юм. Хичээл, ажил хийх, утсаараа оролдох зэрэг бусад ажлаа өөр өрөөнд хийж зөвхөн унтахдаа унтлагын өрөөндөө орж хэвшвэл тархинд “энэ өрөөнд орвол унтдаг” гэсэн команд хадгалагдаж хурдан унтахад дөхөм болдог. 

1. “Snack smartly” буюу амны зугаагаа ухаалгаар сонго

Зарим төрлийн уух юм, идэх зүйлс нь нойрыг сэргээдэг (кофе гэх мэт) бол зарим нь нойрны чанарыг сайжруулдаг. 

Жишээлбэл интоор жимс нь мелатонин дааврын эх үүсвэр болж чаддаг бол гадил жимс магнийн харин хушга триптофаны эх үүсвэрүүд ажээ. 

1. Нойрсоход туслах “туслагч”-тай бол 

Нойрны үед ялгардаг мелатонин гэх бодис байхгүй бол хүн унтахгүй. Нойр хулждаг, үе үе сэрвэлзэж гүн нойрондоо орж чадахгүй байгаа бол мелатонин бодисоо нэмэлтээр ууж болно. Мөн магни нь булчин суллаж, тархины цусан хангамжийг нэмэгдүүлэх замаар нойрны чанарыг нэмэгдүүлэх ач тустай. 

1. Дадал хэвшүүл

Өдөр бүр тогтмол цагт унтаж байх. Та оройн 22 цагт орондоо орж хэвшвэл хаана ч, хэзээ ч, юу ч хийж байсан 22 цаг болоход таны тархи унтах дохиог илгээх болно. Энэ нь цаашдаа нойргүйдэх өвчнөөс сэргийлж чадах юм. 

1. Сэтгэл санаа болон бие махбодоо тайвшруулж сурах 

Өдөржин ажиллаж чангарсан булчин, идэвхтэйгээр ажиллаж байгаа оюун санаа нь нойрыг үгүй хийнэ. Иймээс өөрт тохирох тайвшруулах аргатай болоорой. 

Жишээ нь бүх булчингуудыг нэг нэгээр нь суллах. Гүнзгий амьсгаа авч толгойн оройгоос хөлийн хурууны үзүүр хүртэл бүх булчингаа мэдрэн нэг нэгээр суллана. Эрхий хурууны булчинг сулласан бол одоо долоовор хурууны булчинг суллана гэх мэт. Энэ дасгалын ачаар булчингууд сулрахаас гадна толгойд эргэлдэж байсан олон бодлууд сарниж нойр хүрэх болно. 

1. Магадгүй танд бясалгал хэрэгтэй байх 

Шуудхан хөнжилдөө шургахаасаа өмнө 5 мин тайван сууж бясалгаарай. Ямар ч төрлийн бясалгал байж болох ба бясалгал нь стрессийн гормон болох кортизолийн хэмжээг бууруулснаар шөнийн турш тайван, бөх унтахад тусална. Хэрвээ бясалгал хийх аргаа олохгүй байгаа бол бясалгалд зориулсан гар утасны төрөл бүрийн аппликэйшин ашиглаж болно шүү. 

Хэрэв та NaturesPlus брэндийн мелатонинийг сонирхож байгаа бол доор холбоосыг нь орууллаа, нойрны чанараа сайжруулахад тань амжилт хүсье! 

https://infantstoddlers-supplements.com/products/90401/245737

Source:

https://naturesplus.com/blogs/immunity/7-tips-for-supporting-immunity-through-sound-sleep-1